ولا ابيع طماطم ..!!!؟؟

ولا ابيع طماطم ..!!!؟؟



قالوا زمااااااان .. ماخاب من استشار

بصوا يا جماعة عايز رأيكوا في موضوع معين

انا دلوقتي خلصت امتحانات الليسانس

لقيت نفسي كده وبدون سابق انذار
وبدون اعداد مسبق

امام طريق طوييييييييييييل



طريق الحياة العملية


ولقيت علامات وشارات كتيرة قوي على الطريق

ووقفت بينها حيرااااااان

هل اكمل في المحاماة... وطبعا مشوار طويل من التدريب
وحلني واربطني عقبال ماتعمل اي حاجة .

ولا ادور على وظيفة كده والسلام .... ده ان لقيتها اصلا
هيطلعلي منها كام ملطوش يادوب يخلوك تقعد على خط الفقر وتبص للي تحت وتغيظهم



ولا انزل المحل بتاعنا .... واديها شغل 26 ساعة من اصل 24 في اليوم

ولا اعمل مشروع خاص بيا بيزنس يعني ....وده طبعا بعيد شويتين راسمال ورجلمال وكلام فاضي مش هنخلص منه ، وبعدين مش مضمووووووون .




ولا اروح اخطب واخلص من زن الوالدة ... وطبعا مواويل ايشي هدايا عيد ميلاد ، وهدايا عيد الام ، والمووووولد ، والعيد الصغنن ، والعيد الكبير ، وده جاب وده عاد يعني بلوة مسيحة .





ولا ايه رايكوا انا اقعد في البيت لحد ما يجيلي عدلي احسن !!!؟؟





اشيروا علي ايها القوم