باحبك باحبك
باحبك باحبك
باحبك باحبك باحبك
يا مصر
مسايا وصباحي
أسبح بحبك
وحبك شفايا
وجراحي يا مصر
واسافر بحبك
واميل زي ميلك
وتحلا الخطاوي
في حبك يا مصر
واحب اغترابي
في صبحك وليلك
واحب الونس بالرفاقه
يا مصر
تنام الدموع في العيون الهواجع
وتسهر دموعي
في حبك يا مصر
تهون السجون
والشجون
والمواجع
ويغلا مع القهر حبك
يا مصر
ولو يحبسوني
ولو يشنقوني
ولو فكروا بالعذاب
يبعدوني
ح أقرب واقرب
مش ممكن اهرب
وتنزل دموعي علي خدودي
تشرب
تلاقي الرموش والخدود والمباسم
مراسم
وصورتك عليهم يا مصر
باحبك باحبك
باحبك يا مصر
القصيدة للمبدع عمنا أحمد فؤاد نجم وموجودة
وكمان الكنج محمد منير بيغنيه ياريت تعجبكم
موضوع: باحبك باحبك باحبك 
الخميس سبتمبر 27, 2007 3:48 pm
